Gjatë ushtrimit të të drejtës për punësim dhe profesion, legjislacioni shqiptar dhe ndërkombëtar ndalon çdo formë diskriminimi. Gjithashtu, marrëdhënia e punës duhet të rregullohet me anë të kontratës individuale/ kolektive të punës në formë shkresore, e cila përcakton ndër të tjera, vendin e punës, kohëzgjatjen ditore të punës dhe pushimeve,punën e natës, punët e vështira, numrin maksimal të orëve shtesë, pushimet vjetore, festat zyrtare, pagën etj.
Ju duhet të dini se:
- Ndalohet të punojnë natën personat nën moshën 18 vjeç dhe personat me aftësi të kufizuara.
- Gratë shtatzëna ose me fëmijë në gji nuk mund të punësohen në punë të rënda.
- Nëna pas përfundimit të lejes së lindjes, duhet t’i sigurohet i njëjti vend pune ose një vend pune I barasvlefshëm me të, me të njëjtat kushte që ishte para lejes së lindjes.
- Gjykata shpërblen të gjithë punëmarrësit që largohen nga puna në mënyrë të menjëhershme dhe të pajustifikuar.
- Pushimet vjetore janë gjithmon të paguara. Nëse nuk kryeni pushime vjetore, punëdhënësi është I detyruar t’iu shpërblejë për pushimet e pa marra me pagë shtesë.
- Kategori të njëjta pune paguhen me pagë të barabartë.
- Verifikoni nëpërmjet portalit E-albania nëse punëdhënësi paguan sigurimet shoqërore dhe shëndetësore.